ٱلْبَاطِنُ

El-Batin është Ai, që nuk shihet nga askush, por depërton në brendësinë e çdo gjëje me dijen e Tij. Megjithëse sytë nuk e kapin, për Të dëshmojnë shenjat në çdo thellësi të ekzistencës.

Qenia e el-Batin është e fshehtë, por ekzistenca e Tij është e qartë. Askush nuk mund ta njohë Atë përtej asaj që Ai vetë e ka bërë të njohur.

El-Batin i afrohet krijesës me kujdesin e Tij në mënyra që nuk kufizohen nga vendi dhe koha.

El-Batin është Ai, që i di të fshehtat e çdo gjëje. Ai njeh njësoj si gjërat që duken, si ato që nuk duken. Ai e di çfarë fshihet në zemra dhe në mendje. Asnjë mendim, ndjenjë apo qëllim nuk i mbetet i fshehtë Atij që është edhe i Gjithëdijshmi, edhe i Fshehti.

El-Batin mbetet i fshehtë për urtësi, jo për shkak të pamundësisë. Ai nuk na i ka zbuluar të gjitha, me qëllim që të na ruajë nga dobësia jonë. Ai njihet vetëm nëpërmjet asaj që vetë Ai ka shpallur për veten e Tij. Kushdo që beson në Të nëpërmjet kësaj njohje, do të shpërblehet me mundësinë ta shohë Atë në botën tjetër me një shikim të vërtetë.

El-Batin edukon robërit e Tij nëpërmjet të fshehtës. Ai u jep kuptim sprovave të robërve, duke i afruar nëpërmjet asaj që ata nuk e kuptojnë plotësisht. Kush i beson të fshehtat e Tij, e gjen paqen dhe përjeton ëmbëlsinë e përmallimit për takimin me Të.

El-Batin rrethon gjithësinë me dijen, me mëshirën dhe me fuqinë e Tij Ai është siguria e robit nga çdo e keqe. Atëherë, shiko Allahun e mos u lidh me sebepet, dorëzoju Atij me vullnet dhe kupto se çdo mirësi që arrin te ti fillon prej Tij dhe përfundon tek Ai.