ٱلْحَسِيبُ

El-Hasiib është Ai, që të mjafton për çdo gjë. Vetëm Ai ka fuqinë, diturinë dhe kujdesin për të marrë përsipër çdo nevojë tënden në çdo kohë dhe në çdo rrethanë.

El-Hasiib është Ai, që llogarit gjithçka, nga fjalët më të vogla deri te gjërat që njerëzit nuk i shohin. Asgjë nuk i shpëton Llogaritarit absolut të veprave dhe qëllimeve të njerëzve.

Ai që i beson el-Hasiib, e di se çdo mirësi dhe çdo sprovë vjen me llogaritje të saktë nga Ai. Asgjë nuk është e rastësishme. Çdo gjë është e peshuar me diturinë dhe urtësinë e Tij të përsosur.

Të mjaftuarit me Allahun nuk përfshin as shokët e tu, as pasurinë tënde, as planin tënd. Hasb është e rezervuar vetëm për Allahun dhe përfshin ndihmën, dhënien, udhëzimin dhe mbrojtjen e Tij për ty në çdo situatë.

Ai që njeh el-Hasiib, nuk u nënshtrohet llogarive të kësaj bote dhe e jeton jetën duke qenë i vetëdijshëm se fundi i çdo gjëje është tek Ai. Prandaj, merri seriozisht edhe veprat e tua më të vogla.

El-Hasiib është Ai, që llogarit saktësisht çdo gjynah dhe çdo pendim tëndin, andaj ti mos llogarit me mendjen tënde, por mbështetu në llogaritjen e Atij që fal edhe atë që të tjerët e konsiderojnë të pafalshme.

Kushdo që e kupton el-Hasiib, e llogarit vetveten për çdo fjalë, gjatë çdo veprimi dhe pas çdo veprimi. Sepse asnjë hile ndaj vetvetes nuk të shpëton në Ditën e Llogarisë.