ٱلْمَلِكُ

El-Malik është Ai, që ka në dorë çdo gjë tënden: jetën, vdekjen, ndihmën, sprovat, suksesin dhe dështimin.

Të jetosh me vetëdijen se el-Maalik është Sundimtari yt, është çelësi i rehatisë dhe i mbështetjes së zemrës në Allahun.

Kur ta njohësh Allahun si el-Maalik, i dorëzohesh Atij me bindje të plotë ndaj çdo urdhri të Tij për të bërë ose për të mos bërë një gjë.

El-Maalik është Sunduesi absolut, i cili, me pushtetin dhe pronësinë e Tij, i përfshin të gjitha krijesat pa përjashtim.

Çdo gjë që ti ke në këtë botë, është vetëm për shfrytëzim në shërbim të qëllimit të krijimit tënd. Pronari i njëmendtë i çdo gjëje është Allahu.

Askush nuk mund të të dëmtojë e as të të ndihmojë, përveçse me lejen e el-Maalik.

Nëse Allahu të merr diçka, është provë; nëse Ai të jep diçka, është gjithashtu provë. El-Maalik as të jep ndonjë gjë e as të merr pa urtësi”.