ٱلْحَكِيمُ

El-Hakiim është Ai, që e ka me vend çdo fjalë, çdo veprim dhe çdo gjykim. Ai nuk flet dhe nuk vepron kurrë pa një qëllim, edhe nëse mendja jote nuk e percepton.

Urtësia e el-Hakiim shihet në çdo gjë: në krijimin e universit, në ligjin hyjnor të shpallur, në ndarjen e shpërblimeve dhe ndëshkimeve mes njerëzve. Dhe çdo gjë e bërë nga Ai është më me vend, sesa çdo version tjetër që njeriu mund të imagjinojë.

Çdo vendim i el-Hakiim për dhënie ose për privim, është urtësi e përsosur.

Kur ti nuk i nënshtrohesh menjëherë gjykimit të Allahut, në të vërtetë, ndjek dëshirat e tua. Kushdo që njeh urtësinë e el-Hakiim, dorëzohet pa kushte dhe asnjëherë nuk e vë në dyshim ndonjë vendim të Tij.

Urtësia e Allahut nuk ka vetëm një ngjyrim; ajo është ndonjëherë ndëshkuese, ndonjëherë dhuruese, ndonjëherë ndaluese, ndonjëherë kërkon durim. Dhe gjithmonë është me vend për atë që Ai e përdor.

Kurdo që të mërzitë një gjendje, të jesh i bindur se ajo nuk ndodh rastësisht, por është zgjedhur me urtësi nga el-Hakiim për ndonjë të mirë që ti mund të mos e kuptosh dhe ndoshta e kupton më vonë.

Nëse dëshiron të jesh vërtet i urtë në këtë botë, dorëzoju urtësisë së el-Hakiim, sepse vetëm kështu mund të mësohesh të flasësh me vend, të veprosh me vend dhe të ecësh në rrugën që ka më shumë vlerë te Ai.