ٱلْوَلِيُّ

El-Velii është Mbrojtësi i Afërt i robit, Aleati dhe Kujdestari që i qëndron pranë, duke e përkrahur, duke e mbrojtur dhe duke e udhëhequr. Afërsia, dashuria dhe ndihma ndaj robit burojnë vetëm prej Tij.

El-Velii është Mbrojtësi dhe Miku i besimtarëve që u mjafton kundër çdo armiku dhe u qëndron gjithmonë pranë në këtë botë e në Ahiret, duke i falur, duke i mëshiruar dhe duke u dhënë fitore.

El-Velii është Kujdestari që mbikëqyr të gjithë krijesat në mënyrë të përgjithshme, ndërsa ushtron kujdes të veçantë për besimtarët, duke i nxjerrë ata nga errësirat në dritë.

El-Velii u kushton kujdes të veçantë besimtarëve të afërt me Të, derisa dëgjimi, shikimi dhe veprimi i tyre të drejtohen prej Tij, dhe, si rrjedhojë e kësaj afërsie me ta, t’i shpallë luftë kujtdo që tregon armiqësi ndaj tyre.

El-Velii është Ai, që të afron me dashuri dhe kujdes të posaçëm. Por miqësia me Të arrihet vetëm atëherë kur të plotësohen kushtet: kryerja e obligimeve fetare dhe shtimi e adhurimeve vullnetare.

Të jesh veli i Allahut nënkupton të jesh i bindur për realitetin e Tij dhe aktiv në shërbimin ndaj Tij. Atë që zmbrapset nga shërbimi ndaj fesë ose e kushtëzon këtë me realizimin e interesave personale, Allahu e zëvendëson me dikë tjetër, sepse kjo fe nuk varet nga asgjë tjetër veç kujdesit të el-Velii për të.

El-Velii nuk të afron përderisa je i lidhur me ndonjë haram. Lidhjet e gabuara të zemrës duhet të shkëputen, që zemra të mbetet e lidhur vetëm me Allahun dhe afërsia e Tij të të mbulojë tërësisht. Çdo gjë tjetër është sebep dhe kënaqësia e Tij është parakusht i suksesit real.