ٱلْعَزِيزُ

El-Aziiz është Ai, që i takon tërë autoriteti, tërë mbizotërimi dhe tërë siguria. Absolutisht askush nuk mund ta rrezikojë pushtetin e Tij.

Fitorja është vetëm prej Allahut, el-Aziiz, dhe nuk ka mundësi që dikush të ngadhënjejë pa lejen e Tij.

Fuqia jonë nuk buron nga asgjë tjetër veç teuhidit, përuljes ndaj el-Aziiz dhe mbështetjes së plotë te feja e Tij.

Sa më shumë që ta kuptosh dobësinë tënde, aq më mirë do ta njohësh fuqinë e el-Aziiz. Kjo e ndryshon zemrën tënde në mënyrë thelbësore.

Ndihma dhe fitorja vijnë vetëm nga el-Aziiz. Ai nuk ka nevojë për zbatimin e sebepeve për fitore, kurse ne kemi.

Kurani është quajtur Kitabun ‘aziz’, sepse askush nuk mund ta sfidojë në përmbajtje, në burim ose në autoritet.

El-Aziiz, vetëm me fjalën ‘Bëhu’, mund ta shndërrojë një zemër të lodhur nga gjynahet në një zemër që fluturon nga gëzimi në adhurim.